بسم اللة الرحمن الرحيم
هذا الشعر اقدمة لكل فلسطينية
بالمنتدى
يا ليل خلّي الأسير ... تايكمل نواحو
رايح يفيق الفجر ... ويرفرف جناحو
تايتمرجح المشنوق ... من هبّة رياحو
يا حيط وقّف تاقظّي كلّ حسراتي
يمكن نسيت مين أنا ونسيت آهاتي
يا حيف انقضت بإيدك ساعاتي
شمل الحبايب ضاع وتكسّروا قداحو
لا تظن دمعي خوف ... دمعي ع أوطاني
ع كمشة زغاليل ... بالبيت جوعانه
مين راح يطعميها ... من بعدي وإخواني
اثنين قبلي شباب ... ع المشنقة راحو
بكرة مرتي كيف ... رح تقضي نهارها
ويلها عليّ أو ... ويلها ع صغارها
يا ريتني خلّيت ... في إيدها سوارها
يوم دعاني الحرب ... تااشتري سلاحو
*يقال أن هذه القصيدة كتبها أسير فلسطيني سجين في سجون الاحتلال وهو في انتظار تنفيذ حكم الاعدام
القصيدة مكتوبة بالفحم علي زنزانته في سجن عكا والأسير اسمه عوض...
ارجو ان يعجبكم الشعر ...........
من اختياري
منووووووووول